Seg tallast ɣer tafat
Silya Mula, Ungal
Tiẓrigin : Aframed, 2021.

Tusman, tcuba γer tgeldunt-i γef d-ttawin timucuha at zik. D tukyist, turẓint, tuḥediqt… 

Tudert-is tedda akken teddun waman, deg wallaγ-is teẓẓa tirga. D tirga i tt-yeǧǧan ad tifrir di leqray-as, tamusni gar wallen-is, d tasarut ara tt-yessiwdḍen ar yiswi-s.

Tayri, niqal, truḥ ad as-tessaεreq abrid, tesluγ targa-s, thuc tirga-s, maca d tabuciḍant yewwten tεedda. Γas di tazwara teǧǧa-d deg-s lbeqq, ar taggara tessaweḍ ad d-tar talwit i wul-is tefka d araz i win ur tt-nuklal. 

Ma i waṭṭan n tayri tufa-d ddwa, tigguǧelt d yesqarbeben γef tewwurt-is tewwi yemma-s, tḍum-as tumert d talwit deg uxxam amek ara as-texdem. 

Ma yella ad as-d-taf ddwa, neγ d aṭṭan deg-i-ara tidir i lebda. 

Akken teffeγ yemma-s n Tusman, tekcem-d tmeṭṭut nniḍen yessufγen lehna deg uxxam, yessufγen tirga mxalfa ….