Ssut n Lwennas yebbeɛzeq deg wexxam n Sadiya n L’euro. At taddart meṛṛa nwan deg wexxam n Sadiya ara yili, aseggas-a, usmekti n tmettant n Lwennas . Dɣa, ttaqa deg-sen rran ɣer din. Nnejmaɛen di tebḥirt d-yezin i wexxam. Daxel, Rezqi Dezdeg, Dda Militant, Lbacir, Belqa, Medyaz akked Ferruǧa tessen lqahwa, ttraǧun Sadiya n L’euro ad d-tenṭeq, ad asen-d-sefhem tamsalt n Festival n Tiɣilit Useksut.
Acḥal aya ur d-iruḥ Rezqi Dezdzeg ɣer Taddart. Yettban-d am akken yeɛya acemma. Mačči d Rezqi-nni n zik, Rezqi-nni yezgan yedduqqes. Segmi d-yewweḍ netta d ameslay akked Sadiya n L’euro. Mmsufan di tektiwin..
Medyaz, tuqa deg-s tmellalt. Ur yerkid ara deg yiwen wemkan. I t-yettawin ɣer wa, i twettaran ɣer wayeḍ. « Ad ak-d-awiɣ yiwen ɣf Lwennas ? », i yenna i yal yiwen. Ttaran-as-d : « mačči turaa Medyaz »
Di tekwat, Dda Militant yelha-d d tira. Akka id Dda Militant, yezga yettaru. Ala mačči d tasekla ! Dda Militant d spécialiste di tira n communiqué, déclaration pétition … Iqerreb ɣur-s Belqa :
– Acu akka tettaruḍ ?
– Déclaration.
– N wacu ?
– Amek n wacu ? Ɣef useggas wis 25 n tmettant n Lwennas, bien sûr !
-Ɣas ḥbes tira, alamma nemmsefham.
Attan tluɛa Ferruǧa Sadiya n L’euro : « Taddart meṛṛa di tebḥirt a Nanna ». Teffeɣ-d seg wexxam, tebɛen-tt wid yellan daxel. Akken ttwalan wat taddart, sussmen, ttraǧun acu ad asen-d-ini :
– Mmreḥba yes-wen. Cukteɣ d ssut n Lwennas i kun-id-yewwin.
-ih a nna Sadiya, d as-rran ɣef yiwet n tikkelt.
-heggit ihi iman-nnwen, cemmret ɣef iɣallen-nnwen. Acu kan, aseggas-a, ulac seksu, tiḥbulin, ualc zdeg rdeg, ijeqduṛen, ulac timzikniyin… Ad yili ayen iɣe yennuɣ Lwennas. Aha a Lbacir, awal ɣur-k.
Yerfed awalLbacir : « aseggas-as, d abruy seg umennuɣ n Lwennas ara d-nesebded, mačči d aẓekka-s ara d-nẓur, ara nɛebbi s yijejeǧǧigen. Asegga-s d taktabt yuran s teqbaylit ara nesimɣuṛ, di Festival n Udlis Yuran s Teqbaylit (FUYT). Festival-agi, ad yessemlil meṛṛa imura, meṛṛa widen tecɣeb tira. Ḥala fell-ayen, fell-aneɣ meṛṛa, i yettkel FUYT. Ulac win i izemren ad aɣ-yesseḥbes, ma neddukel. Akken bɣunt ilint Les conditions météorologiques akked les causes technico-administratives, FUYT ad yili, ad yer tili akken yella Lwennas. Mi nemsefham ɣef kra n temsal tameddit-a, ad tili temlilit tameqrant akked wat taddart, ddurt d-iteddun. »
Iǧelleb-d DdaMilitant ad d-iɣer iccer n lkaɣeḍ yura, tekkes-as-t Sadiya n L’euro, tenna-yas s wecmumeḥ : « Lbulitik mačči tura, mačči da.
