… Azal 2000 n yiseggasen ɣer deffir, deg ubruy-nni n umezruy ideg taɣerma n Rruman tuɣ ddunit, ḥala win ara s-yinin s ttnefxa : nekk d citoyen n Rome !
Akka i d asen-d-ban Tiɣilit Useksut n 2083 i Dda Militant d yimeddukal-is : d Rome !
Colisée-nni iɛum d ilmeẓyen akked telmeẓyin. Ulac win ur neṭṭif ara adlis deg ufus-is. Ayen yellan din n lɣaci ttrajun ad dtendeh ṛreḥba n udlis s wudem unṣib. Attan teqerreb s amikru yiwet n tlemẓit :
« Azul fell-awen, bonjour, good morning everybody, meṛṛḥaben bi-kum . First, welcome to our foreign friends, Tiɣilit useksut is happy to welcome you. We wish you a good stay. Tiɣilt useksut souhaite la bienvenue à nos ami(e)s venu(e)s de partout et vous souhaite un bon séjour. Tiɣilt Useksut turaḥib bi asdiqa-iha al ɛareb. Uqbel Ad as-neswel i lewzir n tuddar akken ad yeldi s wudem unṣib Rrehba tis 40 n udlis, ad ḍelbeɣ seg-wen ddqiqa n tsusmi i wesmekti n widak i d aɣ d-inejren abrid almi i d-ufrar rreḥba n udlis-nneɣ nnig meṛṛa rṛṛeḥbat yellan di ddunit. Ihi tajmilit : i nna Sadiya, Rezqi Dezdeg, Dda Militant, Lbacir, Belqasem akked d wat d sut taddart n tallit-nni ». Iminigen n Tiɣelt Useksut n 2023 ggugmen, berquqcent wwalen–nnsen d imeṭṭawen. Ur d-yewwir s lexbar Dda Militan almi d-youfa iman-is ttama umikrut, isuɣ : « ya ddin, uqabac nessaweḍ ! ». S kra yellan din, di colisée, yewhem anwa wagi d-ineṭṭqen, d acu-t unamek n « ddin uqabac »
Mi tɛedda ddqiqa-nni n flottement, tessawel tlemẓit deg umikru : « wagi mebla ccek d ameddakul-nneɣ Makinṭuc i d-yegren aɛeqqa n lemleḥ-is. Ihi, mebla laɛḍil ad siwleɣ i mass Ibanas, lewzir n tuddar. »
Yekker Ibanas, iqerreb s amikrut. Lewzir ur iɛedda ara 30 n yiseggasen di leɛmer-is. yesterḥeb s yinebgawen n ṛṛeḥba n udlis s teglizit, tafransist akked taɛrabt, uqbel ad ifak awal-is s teqbaylit….
