Ddurt-a, deg umkan-nni n wis d acu-t, sliɣ i yiwen yessawal : wa Cacnaq ! Luɛaɣ win yessawlen, steqsaɣ-t ma dɣa d Cacnaq-nni n Maseṛ, Cacnaq-nni n Yennayer i wumi yessawal. Yerra : « Ih d netta. Mais dagi d amdan am nukni meṛṛa ». Qerbeɣ ɣer Cacnaq.
Tangalt : Azul ay agellid ameqran !
Cacnaq : Azul a Tangalt. Fiḥel agellid, siwel-iyi-d Cacnaq.
Tangalt : Ihuh, tesneḍ-iyi ? En plus, tettmeslayeḍ taqbaylit. Nekk nwiɣ d taferɛunit kan i tettmeslayeḍ.
Cacnaq : Ulac win ur kem-nessin ara dagi. Anda akka inella a yelli, ur nesɛa ara aɣbel n tutlayt : nettmeslay-itent, nfehhem-itent i meṛṛa.
Tangalt : A rrbeḥ, a tafat ! Imi nemlal, meqqar ad farseɣ tagnit, ad qk-steqsiɣ…
Cacnaq : Γef tgelda n Ferɛun, ɣef tmaziɣt, ɣef Imaziɣen ? Uqbel ad iyi-steqsiḍ, ad akem-steqseɣ nekk d amezwaru. Amek iiyi-tettwaliḍ ?
Tangalt : Ur fhimeɣ ara ?
Cacnaq : Ṣṣifa-w ?
Tangalt : Mmm… tettqiṭireḍ d sser. Ur nwiɣ ara akka akk i tcebḥeḍ.
Cacnaq : Ihi, d acu-t uxessaṛ-nni tesbeddem di Tizi Ouzou ?
Tangalt : Tesneḍ Tizi Ouzou ?
Cacnaq : Σni yella win ur nessin ara Tizi Ouzou i yessumlen ddunit s lxelq-nni tessebded tama n rond-point ?
Tangalt : Γef wakken ttwaliɣ ur k-yeɛǧib ara lḥal.
Cacnaq : Bien sûr ur d iyi-ɛǧib ara lḥal. D’aborement, akken s-yeqqar Cnennu, nekk akken tettwaliḍ, d abugus, alors que ablaḍ-nni d… waɣzen. Tis snat, nekk di Heracleopolis, di Maseṛ, i d-luleɣ, mačči di Tizi Ouzou.
Tangalt : Mais, keč d Amaziɣ.
Cacnaq : D kunwi i yerran d Amaziɣ bessif, wamag nekk d Aferɛuni.
Tangalt : Mačči d nukni i d ak-yerran d Amaziɣ : d amezruy.
Cacnaq : D tidet, jedd n jedd njedd n jedd-i seg yiwet n taddart di Libya. Hala aya i d iyi-cerken yid-wen. Tiens, s azekka yezmer ad d-yili usebdad n Eric Zemmour di Yemma Gouraya, yak ula d netta d Amaziɣ. En plus, tesxelḍem isem-iw akked uyaziḍ d sebɛa isufar. Franchement, teqqersem. Ma dɣa d sseh, tiṭ-nnwen ad tzuxxem s tmaziɣt, muqqelet kan dina ɣur-wen, mačči d yiwen i yuklalen asbedad di… les ronds-points n Tizi Ouzou.
Yesteqsa-t Tahar Ould Amar
