Mazal-iyi ččaliɣ deg umkan n wis d acu-t. Mačči d yiwen i d-mmlaleɣ. Dɣa, ddurt-a, iluɛa-yi-d yiwen n wergaz ad iɛeddi i 50 n yiseggasen di leɛmer-is. Ur tessineɣ ara, werǧin walaɣ-t neɣ walaɣ tteswiṛa-s.
Argaz : Azul a Tangalt.
Tangalt : Azul a gma. Anwa-k ma ulac uɣilif ?
Argaz : Ticki ad am-d-iniɣ anwa i d nekk.
Tangalt : Yerbeḥ. Tbaneḍ-iyi-d teɣubneḍ, terfiḍ. Acimi ?
Argaz : D ayen akk iḍeṛṛun di ddunit-nnwen i d iyi-serfan.
Tangalt : Gaza n Falastin ?
Argaz : yesseḥzan wayen iḍerrun din, maɛna aya yella si zik u mazal ad yili, skud d taddeyanit i ineḥren arrawn lamum.
Tangalt : Arraw n lamum ?
Argaz : ih, Aɛraben akked Udayen. Amennuɣ-nnsen am win ntuḍin, ur yettfak ara alamma iṣaḥ-d i yal yiwet axxam-is. Bɣiɣ ad am-d-mmeslayeɣ ɣef wayen iḍerrun di Carthage.
Tangalt : Tunes ?
Argaz : ihi, ma yehwa-yam. Nekk asmi lliɣ di ddunit mačči Tunes i yisem-is.
Tangalt : Safik kečč d amaziɣ n Tunes ?
Argaz : atan daɣen, tout de suite d aferciḍ !
Tangalt : keččini sûr tesneḍ Mohia.
Argaz : sneɣ-t, ḥemleɣ-t. Bɣiɣ ad am d-mmeslayeɣ ɣef lfilm yettheyyi Netflix.
Tangalt : anwa lfilm ?
Argaz : (yefka-yi-d tiwerqet) ɣer !
Tangalt : (ɣriɣ) ur sliɣ ara s waya. Yella wayen k-yesserfan di lfilm-a ?
Argaz : d iṭbṭuben n-ǧǧiɣ d Carthage i d iyi-serfan. Asmi lliɣ din, di tallit-iw newweḍ alarami d Pyrénées, neḍmeɛ ad neɣḍel Rome. Carthage n wass-a terceq di ssehṛa n waɛraben akked iluɣman. Simal ar deffir ya din qqesam ! bedden deg udem n usaru ara yesnernin di ccan-nnsen, n umezruy-nnsen.
Tangalt : tura fehmeɣ.
Argaz : amek-iit teglimt-iw d tamellalt, d taberkant ?
Tangalt : mmmm…ur mellulet ara ur berriket ara… ur zmireɣ ara ad ak-iniɣ dacu-t llun-nni, ur tessineɣ ara. D acu tecureḍ d sser am Denzel Washington.
Argaz : (yecmumeḥ)
Tangalt : aha, tura ini-yi-d anwa-k ?
Argaz : Hannibal !
