Abderazak Dourari :
yessufeɣ-d di 2023 « penser les langues en Algérie ». Adlis yuklal ad teɣren meṛṛa, ladɣa widen terza taluft n tmaziɣt. Ahat, ad aɣ-d-yernu Dourari « Panser les langues en Algérie »
Adinaṛ :
Yuɣal deg iseggasen-a ineggura ur « asurdi yeflan ». Wicqa, imi rnan ditjarnant n uxeddam azal n ssuma n yiwen uyaziḍ alemmas deg…useggas.
Allaoua Rabehi:
Si tsuta-nni tamezwarut i igan irebbi i tmaziɣt. Tuɣ d tafellaḥt i d tafellaḥt-is, tuɣal d tamaziɣt i d tafellahṭ-is. Ass-nni, di tilizṛi yefra-tt-id s yiwen wawal : « Taqbaylit est un droit et c’est aussi, et surtout, un devoir ». Yettusemma ur ilaq ara ad sen-serreḥ i ṭbel, imi d nukni i teɛna temsalt.
Aumer Ulamara:
Si tsuta-nni yeɣran ɣer Mouloud Mammeri. Mačči seg widen i iɛecqen deg « les feux de la rompe ». Ɣas ulamma d anagmay di physique, taqbaylit yefka-yas si lweqet-is akked lgêḥd-is. Di 2023 i yerna-d i teqbaylit « Taseddarit » (ungal).
Arraz :
Qten warrazen taggara-a. Dayen yelhan imi aṭas n widen / tiden s-yeqqaren : « ad aruɣ, ahat ad iyi-d-iṣaḥ warraz ». Ɣas ma d imura n warrazen, d imura kamim. Dɣa yennayer-a i d-yella warraz n Uselwa n Tegduda sɣur « d-neṭṭef aseggas ameggaz ». Aɣbel n warraz-a d « l’équilibre régional ». Wicqa, awi-d kan ad d-nugri di…lkaɣeḍ.
Asenǧaq:
Yuɣal usenǧaq n yimaziɣen d « ennemi à abattre ». Dɣa, ma terram tamawt, acḥal-aya ur d-iban di temzikkenyin, timeɣriwin, ṛṛeḥbat n udlis… ula di facebook, ḥala « les anonymes» i t-id-skanayen. Ur numin s Rebbi almi tenwala s wudem unsib di Grande Poste, di Lezzayer tamanaɣt, yennayer-a. Atan ihi, yenna-yaɣ-d, Uselway n Tegduda : « refdet-t urttagadudt »
Aɣerbaz :
Mazal-it kan akken yeḥfa.
Duktur:
Twalam achâl awal-agi n duktur yuzzel di tilibizyunat. Yal tikkelt ara yili kra, ad d-ɛerḍen idukturen ad d-fken ṛṛay-nnsen akkes tifrat. Et puis ayen ara d-yini duktur di tilibizyu am wawal n Rebbi, imi yeqqar-it-id s luɣtu lɛarabiya lfuṣhâ, ɣas ulamma ulac akk ayen d-yenna. Atan waqila, ajeǧiḍ-a yenṭed^duktur n tmaziɣt.
Idles:
Di tṭ n tsengni i iɛedda aseggas-a yezrin. Win yekren ɣer cɣul adelsan, ad as-ini : « ala ! ». Mačči d « ala-nni » i d aɣilif, aɣilif d win i d as-yettaɣen awal alarmu « ala » yuɣal yenurmalizi. Achâl n tikkal, di lmaḍ lqarib nutni qqaren-d ala, nukni nxeddem ṛṛay-nneɣ.
Kamal Bouamara:
Ulad netta si tsuta timenza i ibeggsen akken ad d-rren tmaziɣt, taqbaylit, ɣer lkaɣeḍ. Tura, yewwi lantrit. Waqli seg asmi tt-yewwi i ituqqet fella-s…uxeddim, i d as-d-istufa i…teqbaylit.
Mohamed Ali Ferkous:
Am taqa szg imeṭṭurfa, mi d-yeḍher yennayer, ad yelceḍ ačamar-is, ad yesqaɛd agennur-is, ad as d-iɛiwed i : « Yennayer-agi d leḥram, la yaǧuz ». Cah, yehwa-yaɣ, nuɣ-d taqejmurt n cakula, necḍeḥ, nefreḥ…neswa lbira.
Nedjemddine Mouaissi;
D ilemẓi, akken ten-tḥemmel tmaziɣt. Ɣas ulamma ikkellex-as ifelfel aqerḥan, ur d as-yettkellix ara wayen neɣ win ara s-yinin : « xḍu-k tmaziɣt-a ». Yeqqar, yesteqsay, yettaru… lḥasun yebɣa ad yeddu ar sdat. Asegga-s, iṣaḥ-it-id warraz n Uselway n Tegduda. Yuklal, ladɣa imi d « Charlie et la chocolaterie » n Roald Dahi i d-yessuqel.
Tafsut :
Mazal-aɣ nettargu-tt, mazal-itt tḍul, imi « nettezi, netenneḍ, nettuɣal ansi d-nekka »
Tawella :
Werǧin ɣlayet twella am useggas-a yezrin. Aksum akked lfakha, ur hedra ara maḍi. Ḥun a Rebbi yella yiwen umkan anda Azzayri yettaɣ-d s rxa : la superette n uɣmis n 20h.