Ifaq-as i tmeṭṭut-is tetteffeɣ d yiwen ( tettetṛumpi-t quoi! ).  Yewwet nneḥ am akken acemma ur yelli. Yaεzel iman-is, yeffeɣ si texxamt-nni i deg gganen, yuɣal yeggan di texxamt nniḍen. Tameṭṭut ur tefhim tigert. Ass-nni tnubat :
– A Mesyu! Acu akka i d-tesnulfaḍ? Ad as-tiniḍ mači d kečč, tbeddleḍ fell-i waqila teččiḍ iḥeckulen. Ur d-yi d-tettlaεiḍ, ur d-keččmeḍ zik, ur tetteḍ deg uxxam, ur tegganeḍ di texxamt  – Yehwa-yi, ma ur kem yaεǧib ara lḥal, ṭebbeg s axxam-nnwen. Azekka-nni, akken yuli wass, tessawel i baba-s, tru-yas. Din din, am lebṛaq, qqen tiṭ-ik ldi-tt, ata baba-s yepwant-id :  «  Alih, xemmel iceṭṭiden-im, tebra ma terniḍ ddqiqa deg uxxam-agi ».

Taluft tebbweḍ ar bu uqenduṛ-nni, ṛwan ṛuḥ tuɣaleḍ, si dduṛt ar dduṛt ad tt-id-awin ar jjuj, seg ufurgu ar wayeḍ, seg uṭaksi s aṭaksi, ta d llusi ta d abugaṭu ,mači d yiwet.
Setta wagguren n tazzla, ass-nni, deg ass n ttlata ɣef 10h, tefsi tyarrist mi-d yenṭeq sid jjuj s tinna n ḥakamet lmaḥkama. Sifini, mesyu d madame msebran. Argaz yessaweḍ lfeṛḥ ar igenni, amzun si lḥebs i d-yeffeɣ, yekfa fella-s lḥif, ad yaɣ tin yebɣa wul-is. Ziɣ ar akken kan ifaq i tmeṭṭut-is tleḥḥu nettat d-yiwen, netta yebṛunci ar yelli-s upatṛun i ɣer ixeddem. Ɛeddan 5 iseggasen, Mesyu-nni yuɣal d aḍeggal n upatṛun-nni, apatṛun-nni d netta i yerra d diraktur n ssuq-nni ameqṛan (super marché ) i deg ixeddem. Yuɣal d aqemqum, ay huh . Akustim newwaḍeṛ, tamart ṭujuṛ byan ṛazi, arkasen am lemri.

D aẓaktur-nni n yisura n huliwud ya mḥayenek. Yibbas kan akka, yesṭali byan kumifu di lbiru-s, lqahwa igiṛṛu. Cwiṭ kan akka i deqqeṛ tiṭ-is ar tilifizyu-nni i deg-i yettwali ixeddamen d yikelyanen (cameras de surveillance) : « eww , sipavṛi !!! D nettat ! Ih tebra ar d nettat yerna yedda-d ucikur-nni ukud id yi-tettetṛumpi m akken ksiɣ di lexla am userdun…! »

D ttina ukud yemsebra s timmad-is, qṛib d remḍan, tusa-d nettat d umaεcuq-is ad tteqḍu. Teččuṛ-d acaryun armi idemmek, terra la chaîne akken ad ttεeddi ar la caisse ad ttxelleṣ ayen d teqḍa. Akken tt-iwala tebbweḍ, yeddem-d tilifun yessawel i la caissière : «  Allo, ɣuṛ-m ad as-tessutreḍ la carte de fidélité i la dame-nni paṛsku xas tesεa-tt, tetṛafiki.»