Akka i d-yeffeɣ lexbaṛ
Slan-as di yal amkan
Di leǧwameε di les bars
Di la télé di lǧaṛnan
Nna Waṛdi telsa lximaṛ
Terna tebra i dda Sliman
Icuhed Ḥmed Aberkan
Tikkelt-a iwala aggur
Yettẓalla yuẓam remḍan
Yerna yettnekker ssḥuṛ
Di Fṛansa fkan-as amkan
Yuɣal d l’ambassadeur
Sliɣ s mmi-s n xalti
Yuɣ nnutil di Wehṛan
Yerwel si la Kabylie
Asmi bbwin Dra Lmizan
Γuṛ-s allen yettwali
Mačči am nukni yeεman
Si Lḥirak neɣ si tnekra
Ssufɣen Mḥand amaṛcur
La vedette n Lǧumuɛa
Meskin yuɣal d a-chômeur
La neige ideqqeṛ snitra
Yetjaṛ di zzit uzemmur
Nnan Zituṭ yekreh Tabu
Di Meqla ttnuzun liklac
Di le mariage y’a du nouveau
Tu peux aller jusqu’à tnac
Abrika yeqqel d zero
Yeddimisyuni si laɛṛac
Qqaṛen ɣef Ben Qezdira
Ziɣ yemma-s d ttaqbaylit
Am netta am Buxaṛṛuba
D ayawen-nneɣ a tawaɣit
Ula d Muḥ At Buṛenna
Itub yebda taẓallit
.
