Fruṛxent tmellalin
Ɣef ur tezdil tninna
Wtent nneḥ tsekrin
Tesgugem-itent tgerfa
Xuṣen ttaεṭac i εecrin
Yeddukel umcic d uɣerda
Anwa wa anta i d-ttihin
yexleḍ lḥebb d ukerfa
A ṣellaḥ n tgenturin
A saddatt d lawliya
Annaɣ abbuh a lmumnin
A lizimigri di Fṛansa
A tid yessibilizin
A minijip a Faṭima
A lecyax a ticixtin
A lḥares n la Jsk
Ay arrac a tiḥdayin
Ay iḥaṛqan n Busεada
A zlabiya a l’insuline
A leḥwal lǧawwiya
Ay amendil a tisfifin
A lǧuheṛ wezna d Malḥa
A laylet n sebεa uεecrin
A alef lila u lila
Ay iɣallen a tiwririn
Ay adrar n Ǧurǧuṛa
Ay imezdaɣ n tudrin
A sukkan n lmadina
A wid yezgan kuniktin
A ṛṛadyu d talfaza
A daεwa lxiṛ n lwaldin
A jeddi xali d baba
A wid ibedden ur ɣlin
A wid yerẓen ur knin
Ah ya a tafsut n tmanyin
A lemxeyyeṛ di tceṭaḥin
A leḥbab εzizen a samεin
Dεut akk tinim amin
Dεut ad fakkent tismin
Gar mesyu, mass d massa.