Yenṭeq yizem amɣaṛ
I yizmawen yenna
Tagelda tewεeṛ
Nekk dayen tura
Meqqṛeɣ di laεmeṛ
Ur zmireɣ i kra.

Tura ilaq yiwen
Ad yeṭṭef amkan-iw
Yiwen-agi seg-wen
A tarwa n ufud-iw
Amek ar a smenyafeɣ
Di gar warraw-iw?

Ihi, ifuk salam ifuk wazul
Agellid…
D win ar ad d-yawin aɣyul
D afwayan d abelbul
D amuddir acemma ur t-yennul..

Izem amecṭuḥ yesla mi :
Msawalen yeɣyal
Akken ad mlilen
Mmsefken awal
Di 20 d yid-sen
Γef kra n lecɣal
Ad mtafaqen.

Tameddit n wass
Mlalen-d i meṛṛa
Yebda unejmuε
A sidi wenbaba
Akken bdan awal
Texṛeb lmissa.

Di 19 yid-sen
Wa ur yaεqil wa
Mi walan izem
Rran-tt i trewla
Aselway-nnsen
Ur yerwil ara.

Aselway n yeɣyal
Iqumeṛ izem
Iserreḥ-as i ṣṣut-is
Akken ad as-d-slen
Tesla teɣyult-is
Tserreḥ i yilewlawen.

Izem yebra i wallen
Am win yugaden
Yeṭṭef-itt d ttazzla
Abbuh ay inselmen
Teḍfeṛ i-yi-d zzayla
Wa (a)d iyi fukken.

Cwiṭ kan akka
Ata yeḥbes yizem
Yessaweḍ ɣer wanida
Teṛǧan yizmawen
Izmawen am netta
Di 10 d yid-sen.

Atan ihi bu yimeẓẓuɣen
D netta s timmad-is
D chef n yeɣyal
Yusa-d ɣef idaṛṛen-is
Niɣ nniɣ-awen
Ulac di ssuq-is.!