Mazal iyi tezziɣ, tenḍeɣ, di tmurt n wis d acu-tt. Rn u mačči d yiwen n cɣel i d iyi-ggunin. Ass-nni ideg ɛebleɣ ɣur Tmurt i ibanen d acu-tt, Sliɣ i uqehqeh n teḍsa, taḍsa-nni i tneṭṭeḍ am ujeǧǧiḍ. Qerbeɣ s agraw-nni yettqehqihen. Ɛeqleɣ Yidir, Brahim Izri, Hachemi Bellali John Lennon n terbaɛt les Beatles akked Charles. Netqeɣ :
– Tangalt : Azul fell-awen.
– Akken ma llan : Azul !
– Yidir : (Ur ɛad yexsi ucmumeḥ) d kem a Tangalt ? Aḥeq sidi ccix a d Tangalt, qerreb-d a yelli !
-Tangalt : Sliɣ i teḍsa, nniɣ-as ad ruḥeɣ ad waliɣ anwi wigi yettaḍsan, d acu i ten-yeseḍsen.
– Yidir : D l’histoire à dormir debout i d aɣ-yeḥka Charles n At Zberber i d aɣ-yesseḍsen
– Tangalt : Anwa ?
– Charles Aznavour: (s teqbaylit-nni nat Ali Uḥerzun) ur d-qqar ara ur d iyi-tessineḍ ara.
-Tangalt: Sneɣ-k a dda Charles. ḥemmleɣ akken i d-tesenṭaq taqbaylit di La bohème : « ḥku-yi-d xef zman… »
– Yidir : Ur wehhem ara a Tangalt, dagi ulac meṛṛa les barrières n tuytlayt : akken d ak-yehwa mmeslay-d. Ula d John, ma yehwa-yas, ad am-d-imeslay s teqbaylit.
– Tngalt : D tidet, ayagi rriɣ-as tamawt di Tmurt-agi n wis d acy-tt. D tatut kan i ttuɣ. I l’histoire à dormir debout d acu-tt ?
– Yidir : (Yeṭṭerḍeq daɣend taḍsa) l’histoire à dormir debout d L’histoire du lit vertical.
– Tangalt : akka niɣ, ad tetmesxiṛem fell-i.
– Yidir : (Yeḍsa) d anecraḥ i nettnecraḥ yid-m a Tangalt. Ur yaweḍ win ara yetmesxren fell-am. Ini-iy-d amek tella Tmurt ?
– Tangalt : Lebṣel yettkunkiṛunsi lbanan, Bengrina yttheyyi iman-is i lbuṭ, JSK qrib tekkuli, Imeḥbas mazal-iten di lḥebs, les démocrates wwten-tt couchez-vous di les bars, la révolution, dderz d leɛyaḍ ssumlen ddunit facebook, Amin Zawi yettekruniki deg ujarnan, yettmeslay di lilibizyu, ixeddem les selfies di SILA, yeznuzuy tiktabin ur yeqqar ḥedd di tuddar n leqbayel… Ma d Imaziɣen, ur knan, ur riẓen.
– Yidir : I tmaziɣt-nni ?
– Tangalt : Hattan di dustur. Ur d-teffiɣ ara, mar wi tt-yeggaren s layn. Ḥmlen-tt almi rran takna-s tettḥarab fell-as, di arḍun ɛarabiya.
– Yidir : Yeččur wul-im a yelli. T’inquiètes Tangalt. « Aḥeq lḥeq yettmenɣan. Ɣef akal yerɣan, Akken ad d-seren lehna. Aḥeq lbaz gar yisɣan. Yeččan seg umerɣan. Zdat win ur nuklal yekna. Ar d teḥlum si ncalh ». D tamsalt n lweqt a yelli !
– John Lennon : Ini-id a Tangalt, tesneḍ Imagine : Imagine there’s no heaven. It’s easy if you try No hell below us. Above us, only sky… Ca te dit quelque chose ?
-Tangalt : Anwa ur tt-nessin ara.
– John Lennon : (yeddem-d tagiṭar-is) ihi ad am d-fkeɣ tarzef awi-tt yid-m. Ad am-tt-id-cnuɣ s teqbaylit :
Sugen ulac lǧennet,
Dayen i isehlen aɛreḍ,
Ulac ula d ǧhenama,
Nnig-nneɣ ḥala igenni,
Sugen medden meṛṛa,
Ddren i wass-agi…
Sugen ulac tamurt yellan,
Mačči dayen i iweɛren,
Ulac tamsalt iɣef ara tenɣeḍ neɣ ad temteḍ
Ulac ddin daɣen,
Sugen meṛṛa imdanen
Ddren di talwit..
Tzemreḍ ad asen-tiniḍ ttarguɣ
Maca mačči weḥdi i lliɣ
Sermeɣ yiwen wass ad tedduḍ yid-neɣ
Ad as-nekkes amkan i cwal
Yemlal-it Tahar Ould Amar
