Tixeṛ i uḥellel d uḥiwet
Deg ayen ur d-ḥellaḍ ara
ma tufiḍ yiwen yekkulet
azrem-is ddaw tsumta

Ahbuh!!!!!!!

Ttawi ttarra s uqecwal
Beddel timẓin s wekbal
Si Tizi ɣer Lɛaṣima
Ewwet aqenduṛ ekkes aserwal
Bnu ddunit s wawal
Ftu ɣef lferḍ d ssunna
Beddel-asen ccetla i yiɣyal
Izmawen leqqm-iten d iwtal
Ǧerǧeṛ err-it-d Ṣseḥṛa

 

Mačči d kečč i d a problème
Ɣuṛ- i ur teswiḍ beṣla
I d iyi-ɣaḍen d at iniɣman
d ak-yesmeḥsisen a ctacta
D acu k-ixuṣṣen a Batman
Tuɣaleḍ-asen d Superman
Tefkiḍ azaṛ di tfarka
Am kečč am wid i k-yecqan
Zewṛet garrezt-aɣ lemqam
Deg At Yanni bnut-aɣ Mekka
Nejṛed aɛekkaz n ṛṛemman
Win ur nelmid akk leqṛan
Seṛwu-yas lfalaqa