Tidi i necrew ɣef tmurt
Tuɣal-ak di llah ɣaleb
Ay allaɣen i deg tezdeɣ tatut
Ziɣ amezruy yeskaddeb…
… wiyad nniḍen
xas ɣṛan ssḍen
Siked ameqṛan deg imejjayen
Ara yesmeḥsisen i ṭṭaleb !
Ula deg ilulen
I Wedris unzen
Leqqmen agejdur zewṛen
Yerna yiwen ur ten-iqaṛṛeb
Tidet anda-tt a tamurt-iw
Zzuṛ fell-as yeckunteḍ
Ḥulfaɣ da ttkawen ifadden-iw
Tiɣṛi greɣ tugi ad taweḍ
Sedḍent lemkwaḥel
Sewweq ay iḥiqel
Lbaz tura yettwakwbel
Cali yiwen ur k-yettaweḍ
***
Muqlet akka i d ayennat
Muqlet ay Iqbayliyen
Leḥkem ma iṛebba tuyat
D kunwi i t-yesbedden
Iḍelli d wass-a
Ass-a niɣ azekka
Ṛebban-d talfsa
Tura rnan as-d icriken
Ekker a mmi ad tt-tḥemmleḍ
Xas akka d ttagarfa
Ḥemm-itt tessusmeḍ
Daya i d ak-d-tefka twenza
***
S ufus-nneɣ i nettwet
Ssarẓgen-aɣ tudert
Ṛuḥen-as kan yiwet yiwet
Armi d aɣ-ɛnan tasga
S ciṭuḥ n ccṛab maḍi maḍi
Tabyirt ur tt-in nettadder
Anda yella usekṛani
Ad t-neqsed ad nesseḥdeṛ
Ur qebblen tigi
D nutni i d tilelli
Yal yiwen deg-sen d tikti
Fell-asen a yettru Ǧerǧeṛ
N Bgayet niɣ n Tizi
D amsedrar niɣ d Isiḥli
Am umɣaṛ am ilemẓi
Efket-as awal ad yehdeṛ
Imesḥaf-agi
D wid ur nettetḥi
Ma ur sen-rẓa ara imi
Yettunefk-asen uzuɣeṛ