Ɣef wawal d acu i tenniḍ ? Ma ur tenniḍ yakan, d acu ara tiniḍ ɣer sdat ? Ma urεad tenniḍ, ma tebɣiḍ ad d-tiniḍ, acu ara tiniḍ ? Ma ur tebɣiḍ ad d-tiniḍ, acimi ara t-tesgujleḍ ?
Nekk, ma testufaḍ, ha-t-a wayen walaɣ…
D awal i itteqqnen amdan. D awal i as-ittekksen rrebg. D awal i yesdukkulen agraw. D awal i t-ibeṭṭun. D awal i yesbedden tafrit n umdan ɣef Ṛebbi. D awal i yerra Ṛebbi d tazmert n umdan. D awal i irefden tidmi n umdan, D awal i tt-yessezlagen.
D awal i i d amezruy n umdan. D awal i d imal-ines. D awal i d anamek n umdan. Anamek amaynut n umdan d awal ara t-irefden. Ula d anamek aqdim, d awal i t-irefden. D awal i yedhen lmidad i ittellmen umezruy n umdan d tmetti.
Yak d awal i tent-iferrun. Yak d awal i ten-t-iḍellun. Yak d awal i ittessun i ccwal. Yak d awal i itteẓẓun talwit. Deg wawal i yettwaqqen umdan. Awal-agi, neqqar-it ur t-nefhim. Nefreḥ mi as-yenna winna : « lamer ad ttwarunt tmucuca-nsen, ad ččaren yizmamen d yizmamen ». Netta, yura-d awal-agi, nekkni ur as-nesli, neɣ εad nesεuzzeg. Nekkni, tira, ur nuri awal-nni, yerna tura ur t-nessawal… Anamek aqdim nerra-t deg wawalen-nni yettnejlin yiwen yiwen.
Ɣas akken nessugut awal ɣef wawal, nezga nettu-t ; nettmekti-t-id mi ara tesgugem teswiεt. Nettnaɣ d wawal amzun d netta i aɣ-tt-igan. Nettgalla di tafrara, nḥennet di tmeddit. Iḍelli kan, acḥal i nṛeggem, ass-a, nenker awal i nefka, deg-s nettraju tifrat azekka.
Ɣas akken, ur tessefk mayna. Acku tudert n umdan ɣer-s i teqqen. Ma tessefk tegrawla, tessefk ad tili ihi deg wawal. Anwa-t wawal ara irefden azekka-k ? Neɣ acu i twalaḍ ?
Muḥend Akli Salḥi
