Le petit blond de la Casbah d ullis n ubruy si tudert n Alexandre Arcady d-yerra netta s timad-is d asaru, d-yeffɣen deg useggas 2023. Asaru-a yerra tafat ɣef temẓi n A. Arcady yeddren di Lezzayer tamanaɣt almi yessaweḍ 15 n yiseggasen di leɛmeṛ-is . Lezzayer tamanaɣt n yimiren (taggara n yiseggasen n 50 akked tazwara n 60) tettwacuwwel s lbumbat. L’OAS sya, FLN sya. Gar wi d wihin, imezdaɣ ur ẓrin s anda ara rren. Nutni, xersum widak d-yeddan di cfawat n Alexandre Arcady, bɣan ad ddren di talwit, bɣan ad ifak zuṛ d lbaṭel ɣef Lezzayer. Ɣas ulamma, lexyal n OAS akked win FLN, yettenfufud di Le petit blond de la Casbah, mačči dayen i iceɣben Alexandre Arcay.
Yefka azal i umdan, i tirga-s, asirem-is Deg usaru-a ur d-ttbanent ara tlufa teddunt snat snat : méchant, gentil ; berrik, mellul ; yelha dir-it… D amdan, ansi yebɣu yuɣ-d aẓar, akked iḥulfan-is i d-yufraren. Ibeggen-d dɣa amek ddren mebla karuh inselmen, udayen akked les pieds noirs.
Kra seg wid yuraren deg usaru lulen-d di Lezzayer, yettusemma ddren s tidet ineḍruyen n usaru. Gar-asen Jean Benguigui (Lisa, « Maman ») akked Michel Boujenah (Mass Benaim).
Syin ar din, ad d-yenser wawal ẓayen deg usaru. Am asmi tenna Lisa : « nek d tudayt n Tlemcen ». Dayen i yeswehmen Antoine amectuḥ i iɣilen belli udayen di tmura n Lurup kan i llan. Dɣa yessefhem-as xal-is : « le Berbère juif était là avant les romains (amaziɣ uday yezwar Ṛuman di tmurt-a) »
Tikkelt daɣen, mi yewwi Sania ammi-s Antoine ar sbiṭar. Yafen ṭbib (Dr Benaim). Mmeslayen acemma, mmsufan ṭbiɛa. Azekka-nni, mmlalen daɣen di sbiṭar. Mi yekker ad d-yeffeɣ yenna-as ṭbib :
- Yenna-yi-d mmi-k belli tḥemleḍ ddabex uḍar.
- D tidet.
- Ihi, azekka ur ttruḥ ara ɣer St-Eugène ad t-tnezheḍ
Azekka-nni, yesṭṭerḍeq FLN lbumbat di St-Eugène. D asmekti belli Lezzayer nnuɣen fell-as ula d udayen.
Lhasun, ɣas yella-d deg usaru uwehhi s amennuɣ akked widak s-gan irebbi, azal ameqran yefka-t Alexandre Arcady i tudert di liser yezdin tiwaculin yal ta ansi d-tuɣ aẓar akked daɣen lǧerḥ n faruq, nyinig i lebda si Lezzayer.
Deg yiwet n tediwennit yenna-d :
« Anda akken nezdeɣ, xelḍent ddiyanat akked leǧnas. Ddawat-nneɣ tedder Margot, d talyanit yuɣ-tt uzzayri. Tqubelaɣ-d Pierrete d tarusit, d takecaft s lkarṭa, yuɣ-itt yiwen uqbayli. Dɣa d nettat i irebban tameddakult-iw Josette. Rnu snat neɣ tlata n twaculin d udayen akked twaculin tinselmin.Yiwet seg-sen , ṭult n wass ttḥesisent i Lui Mariano. Di 7 rue Lézard, tezḍi leḥmala, tiwwura meṛṛa ldint, ur neḥwaǧ ara tinnubga akken ad nekcem ɣer wa neɣ wa. Timeɣriwin n ddin, d timeɣriwin-nneɣ meṛṛa. Maɛna, yella wayen n dir. Ɛaceɣ karuh n wudayen di lakul. Imeddukal-iw n lakul teddun-iyi di neqmaimi yi-tuɣ duday, d azrqaq. Di tzenqatin nniḍen karuh yeɛna inselmen. (Dans notre immeuble, toutes les communautés et toutes les religions étaient mélangées. À l’étage du dessous, il y avait Margot, une Italienne mariée à un Algérien, en face habitait Pierrette, la cartomancienne russe, qui avait épousé un Kabyle et adopté mon amie Josette, et puis deux ou trois familles juives, et les familles musulmanes. L’une d’elle écoutait, à tue-tête, toute la journée, Luis Mariano. Au 7 rue du Lézard, c’était la convivialité absolue. Les portes étaient toujours ouvertes, on n’avait pas besoin d’invitation pour aller chez les uns ou chez les autres. Et les fêtes religieuses étaient les fêtes pour tout le monde. Mais ce n’était pas idyllique pour autant. Moi, j’ai connu l’antisémitisme à l’école communale du quartier, les garçons de ma classe me bousculaient parce que j’étais blond et parce que j’étais juif. Dans d’autres quartiers, le racisme touchait les jeunes musulmans.)
Tahar Ould Amar
