Aseggas n sebɛa-uɛecrin, d leḥsab n hiǧri n lqern wis sebɛa s leḥsab agriguri. Mmeslayen-d kra imazrayen aɛraben-inselmen ɣef kra tlufa ṭrant deg useggas-nni, gar-asent taluft n unekcum n waɛraben ɣer Tmazɣa. D askufer kan id-skufreɣ kra tedyanin n yimezrayen-a, ɣef tlufa i ibeddlen tikli n umezruy.
Aseggas n sebɛa uɛecrin akken id-yemmeslay fell-as Siyuti 😐
Deg useggas n sebɛa-uɛecrin Ɛetman Ibn Ɛeffan yekkes Ɛumer Ibn Lɛas ɣef Maṣer, yerra deg umkan-is Ɛbella Ibn Saɛd Ibn Abbi Sarḥ. Aneggaru-ayi yeẓdem ɣef tmazɣa, yekcem azaɣar yerna adrar. Immud i yal aɛsekri teltalaf idinaren seg wayen id-yegmer.
Ayen yenna Ibn Kathir :
Deg useggas n sebε uεecrin, Ɛetman Ibn Ɛeffan yekkes Ɛumer Ibn Lɛas ɣef uqerruy n Maṣer, yerra deg umakan-is gma-s deg yemma-s Ɛbella Ibn Saɛd Ibn Abi Sarḥ. Ɛetman Ibn Ɛeffan yumeṛ Ɛbella Ibn Saɛd ad yeẓdem ɣef Tmazɣa ; ma yessaweṭ ikcem-itt, ad yawi amur wis xemsa nnig wayen yenwa ad d- yawi.
Yuwi ɛecralaf iɛsekriyen, yeẓdem. Yekcem adrar luṭa, nɣan taxelqit seg yimezdaɣ n Tafriqt n Ugafa, seyyfen ɣef lɣaci ad kecmen ɣer lislam. Ubeɛed, Ɛbella Ibn Saɛd yuwi amur wis xemsa deg xemsa imuren seg wayen id-yuker, rebɛa imuren nniṭen, yuwi-ten i Ɛetman Ibn Ɛeffan yefreq-ten ɣef lɛesker : aɛsekri amnay, yefka-as : teltalaf idinaren. Aɛsekri yeddan ɣef uṭar, yuwi alef idinaren.
Aseggas n sebɛa uɛecrin , kra seg wayen id-yura Ibn Al-Athir :
Deg useggass-a, yettwakkes Ɛumer Ibn Lɛas seg lehkem deg Maṣer, rran deg umkan-is Ɛbella Ibn Saɛd Ibn Abi Sarḥ. Ɛbella Ibn Saɛd d gma-s n Ɛetman Ibn Ɛeffan deg tuṭeṭṭa.
Nnig wayen id-yenna Ibn Kathir ɣef tukksa n Ɛumer Ibn Lɛas ɣef Maṣer d usbeddi n Ɛbella Ibn Saɛd, Ibn Al-Athir yenna belli Ɛumer Ibn Lɛas yesban-d lɣiṭ-is i Ɛetman, iruḥ iluwem-it.
Yerna yenna belli Ɛumer Ibn Lɛas d Ɛbella Ibn Saɛd mcetkan s tebratin ɣer Ɛetman Ibn Ɛeffan.
Aseggas n sebɛ-uɛecrin seg udlis n Al-Baladhri : Futuḥ Al-Buldan :
Mi yeẓdem Ɛumer Ibn Lɛas ɣef Tefriqt, yekcem Libiya, yedda s lɛesker-is alami yuweṭ ɣer Berqa. Dinna, yemsefham d imezdaɣ-is ad xellṣen lexṭiyya ; ad d-fernen seg warraw-nsen i bɣan ad senzen, ad asen-yefk seg-sen tleṭṭacnalef idinaren.
Iɣbula :
- البداية و النهاية، ابن كثير
- فتوح البلدان، البلذري
- الكامل في التاريخ، ابن الأثير
- تاريخ الخلفاء، السيوطي
