L’étranger n A. Camus yeffeɣ-d deg useggas 1942. Imiren i ineṣef ṭrad amaḍlan wis sin (2ème guerre mondiale). Ungal yesebgan-d teqersi (absurdité) n Tallit-nni. L’Etranger, iwehha ɣer isental yeɛnan talsa meṛṛa, am liḥala n umdan(condition humaine) akked taruɣdemt (injustice).
L’Etranger yettwaḥseb si ssenf n tfelsafit d tilin (philosophique et existentialiste)
Agzul n ungal :
Meursault(awudam agejdan) d axdddam n menwalaya deg yiwen n lbiru di Lezzayer Tamanaɣt. Ass-nni, yewweḍ-it lexbaṛ n tmettant n yemma-s. Iruḥ ad taɛwez fell-as. Ur d as-teqqarḍ ara d yemma-s i yewweḍen leɛfu Rebbi. Ur d-iban ara zen deg-s, ad as-tiniḍ tizi i yemmutenl. Da netta, wid i iḥḍren i lǧanaza wehmen deg-s.
Temḍel yemma-s, inuda ɣef Marie (txeddem yid-s zik), mmiɛcaqen. Yuɣal daɣen d ameddakul n Raymond, lǧar-is-nni i iqebḥen dayen kan.
Rrif n lebḥer, yella-d umenuɣ s wawal akked waɛraben. Meursault yeṭruqi, yenɣa yiwen deg-sen.
Jemɛen—imesulṭa, rran-t ɣer lḥebs. Ass-nni i deg ara iɛeddi di creɛ, ur d-yelli ara wawal ɣef tmenɣiwt. Ttlummun Meursault imi asm akken yemḍel yemma-sur yeḥulfa s wacemma. Yettusemma tamenɣiwt n « waɛrab » ur tewwi, ur teri. Ḥekmen fell-as s lmut. Ussan-nni yesɛedda di lḥebs, yugi ad yemmeslay i yimrabḍen n tmasiḥit, yettusemma yugi ad yesuter smaḥ di Rebbi. Yeqbel ayen d as-yuran deg unyir s tsusmi.
Iwudam :
Meursault : war iḥulfan, Meursault yezi s weɛrur i alugen n tmeti(normes sociales). Tugna-s temmal tiqersi n talsa(l’absurdité de l’existence humaine).
Marie : tameddakult n Meursault d allal ara d-yeskeflen acemma n yiḥulfan di Meursault. Marie d awudam kan akka(superficielle)
Raymond : lǧar n Meursault. Kulec deg-s d takriṭ(violence). Yesselḥay di Meursault am txatemt, ami t-yessaweḍ ɣer liḥalat n umennuɣ.
Aɛrab : ula d isem ur t-yesɛi ara. D azamul n yimdanen teddez tmeḥqranit.
Tahar Ould Amar
