Amek i d-negra nettemyeγẓaz, nekni s yimdanen, gar-aneγ? Amek i d aγ-d-snulfan snat n lgirrat timaḍlanin iεeddan yimeslab ur neẓri d acu-tt talsa? Amek awal yeffeγ-it wazal? Akud ileḥḥu. Uγalen yimeṛkantiyen d imerka, yuγal cci d icc yeṛṛẓen… amek ara nqabel tayuga?
Ilmawen i d aγ-yeğğan
Yerza fell-asen umedyaz
Wiss ma llan, ansi d-kkan?
Yeqqar, fell-asen i yeγγaz
Yeffeγ i tmiqqwa n yiḥulfan
Ccwi kan yedda yillu-nneγ yid-neγ: Illu n umaḍal alsan; bab n ṣṣwab d tidet, bab n tmuγbent, bab n tlelli, bab n tudert n lmut…bab aseklan n tmedyezt. Akken yeqqar Dda Meẓyan Umeqran: D ilemẓiyen-a-nneγ i d ccib-iw; γran fehmen ttqaḍaren, sser deg wudmawen-nsen. Γas ṛuḥen ttṛuhun, ad ten-ṛajuγ γas d ciṭṭuḥ n tezmert-a i d tudert; yelha ma cfan ceffun γef tuγalin, γef tuγalinin-nsen. Ula d ccnawi n tlawin-nneγ: Cennunt γef lmeyytin d yiγriben…aγrib am win yemmuten.
Γezzif wawal aseklan; ad t-utlayeγ ad t-swezleγ s gma-s ameslay amedyazan: ṣṣwab agugam, tidet tasusamt…
Moh Laid Deflaoui
