Ddurt-a, rziɣ ɣer Umkan n wis d acu-t beddema akken ad mlileɣ Aksil. Amezwaru i mlaleɣ, mi wweḍeɣ, d yiwen wergaz ur sineɣ. Dɣa, d netta i d iyi-d-iluɛan : « bonjour damoiselle. Je devine pourquoi vous êtes là ». D acu-t « damoiselle-agi » ? Zuleɣ fell-as ula d nekk, nemmeslay. Isem-is Francis De Saint-Vidal, d netta d-isṛeqqten (sculpter) tameṭṭut-nni n Ain Fouara, di Sṭif, deg useggas 1898. Mi d iyi-d-yemla anda yettili Aksil, yesegra-yi-d : « Dieu vous préserve des abu-marteau ! ».
– Azul ay agellid. Ferḥeɣ dayen kan mi k-mlaleɣ.
– Azul a yelli-s n Tmurt-iw. Neč daɣen ferḥeɣ yis-m.
– Mebla cek, teẓriḍ ayen yeḍran di Bouhmama, Ahat terfiḍ ?
– Ur rfiɣ c.
– Amek akka ?
– D aẓru kan i ksen a Tangalt. Neč mačči d azru : d tikti. Rnu, tawaksa-nni ksen azru, yeslal-iy-d mebla lɣerḍ-nnsen. Tura, medden meṛṛa steqsayen, bɣan ad issinen anwa-t
– D tidet, ussan-a, awal, ḥala fell-ak. Di sin wusan, taluf-agi n Xencla, tekkes aɣebbaṛ ɣef umezruy yemḍel uɣerbas ugar n settin iseggasen.
– Twalaḍ !
– Amek twalaḍ tifrat ?
– Akka ara teqqim temekmek, skud deffir tewwura n udabu iɛus abu-marteau.
– Abu-marteau?
– Ih, seg Ɛuqba ur nenfiɛ ar ass-a, d netta, d abu-marteau i yerwin Tamazɣa, d netta i ireglen iberdan yessufuɣen ɣer tafat.
– Tella yiwet n temsalt ur mmsefhamen ara fell-as imazrayen.
– D acu-tt ?
– Kra qqaren keč d ineslem, wiyaḍ qqaren ur yekcim ara tineslemt. Anda-tt tidet ?
– (yecmumeḥ) i kem, d acu tenniḍ ?
– Ur nniɣ ara.
– Anef-as kan akken.
– Ala, axir lukan ad tt-id-fruḍ.
– Ur axir č ! Anef-as kan akka. D ineslem neɣ d amasiḥi, ur yerfid ur yessers. Taddiyanit teɛnayi neč kan. Ma d kuwi ḥsut, neč d Amaziɣ, d ilelli yusmen ɣef tmurt-is d wegdud-is.
– Nnan-d daɣen belli tɛedleḍ akked Abu Muhajir Dinar ?
– D arǧaz n lɛali, d bu tissas. Mačči d abu-marteau-nni.
– Anwa-t ?
– Ɛuqba ur nenfiɛ. Alih a Kahina, suref-iyi, ɣur-i abrid.
– Nek isem-iw Tangalt, mačči Kahina.
– Ẓriɣ. Sneɣ-čem, nessen-ičem akk dagi. D acu, tettakeḍ inzi i Kahina.
– Ǧiɣ-k di talwit. Yella kra i tebɣiḍ ad tiniḍ i Tmurt ?
– Siweḍ-as slam-iw, ladɣa at Xencla. Ur tettu č Joe.
Tahar Ould Amar
