– Ihi a tarbaεt n lxiṛ, limmer mačči d lbaṛakka-nneɣ, m-ad ilal uqcic ɣer-wen ! Ass mi n-yuli mmit-wen akked tmeṭṭut-is ad zuṛen,… niɣ qḍan-d taɣawsa-nsen neɣ ala ? Ccix Σebdelqadeṛ yeɣṛa ɣef mmit-wen, ma d ccix Σebdeṛṛeḥman, yeɣṛa ɣef teslit-nwen.
«A ccix Σebdeṛṛeḥman a bab n lbaṛhan ndeh ɣer Bab n igenwan, imengar ad qlen d imawlan ad ten-id iɣit s llufan, kunwi tebwim-d lḥila netta yeččuṛ-itt d aman akka id nnesba, akka i neqqel d iḍulan..».
Γef aya id awen-nniɣ : Ay iḍulan, akka id nnesba n Ṛebbi, limmer mačči d lbaṛhan n ccix Σebdeṛṛeḥman, ma ad tarfed teslit-nwen s tadist! Ihi, listidεa i kun-id yestedεa Sid Lmudir ass a, yestadεa-kun-id yerna ikellef-iyi i wakken ad-kun steqbeleɣ, awen-d inniɣ bi-nniyabatun εanhu bi anna seg ass-a d assawen, aqcic-nwen ad t-nessufeɣ si lmadṛasa .
Lqanun d webrid n tcaṛɛit d akka id awen d-nniɣ. Tura ar ad teglum s weqcic-nwen ! Aqcic am wa, tettunefk- as, lmitaq atan def ufus- is. Mačči ɣer dagi ad t-id-awwim, ṛuḥet awit-tt ɣer zzawiya ad iɣeṛ awal n Ṛebbi, neɣ ma ulac, ayla n Ṛebbi ad yuɣal i Ṛebbi, nekk aqli nniɣ-awen, ma tugim, ddnub-a Ṛebbi i yiri-nwen .
– Anεam a ccix anεam, ad t-nawi, qil-aɣ ttxil-k, qil-aɣ i wudem n lmumnin, caylelleh caylelleh, mselmin mketfin a ccix…
Di lawan i deg id ay sbaṛbiṛ ccix-nni ɣef imawlan, Sid Lmudir yeddem-d tilifun : Allo ! Allo! Sidi Lmir, dagi d lmudir n lmadṛasa libtida-iyya ya Sidi Lmir, aṭlubu an-naǧda wa al-musaɛada, laqqed ḥaǧamat al-qaṛyatu ɛala al-madṛasatu…
Yekker wahṛuḥu, wa yessawal i wa. Din din, taṭbiqen li lqanun, lmir yessawel i ccaf n dayṛa, ccaf n dayṛa yessawel i lwilaya, lwilaya ssawlen i lwali, lwali yessawel iccaf d kabini , ccaf d kabini yessawel i ccaf n sikiriti, ccaf n sikiriti yessawel i ccaf iǧadaṛmiyen, ccaf n iǧadaṛmiyen yessawel i ccaf n riǧal waqifun, ccaf n riǧal waqifun yessawel i ccaf n lkumiti n taddart, ccaf n lkumiti n taddart yessawel i lmudir n lmadṛasa: Allo! Allo! a Sid lmudir, huna d ccaf n lkumiti n taddart, ssawleɣ-ak-id, paṛsku tessawleḍ i lmir, lmir yessawel i ccaf n dayra , ccaf n dayra yessawel… !
– Cukṛen cukṛen, la-daεi li lqaleq !!! -Amek ? Ddellaε i ak-iqelleq?
– Maεnatuha nniɣ-ak, dayen tefra, sipalapin ad diṛṛunjim, dayen ṛṛuḥen, cukṛen ɛala al maǧhudat, yefra lmuckilu bi faḍli faḍilatu al-ustadi al-faqihi wa faṣiḥu al-lisani alladi kada an yakuna ṛasula.
