Ma tecfam ay ayetma
Ɣef ugujil yennumen
Lambiz d Beṛwagiya
D ubrid-nni i d aɣ-reglen
akken kan i d-tger tara
Tecfam d acu i d as-ṛegmen
Azul fell-awen meṛṛa
Ay arrac ideflawen
Ma tecfam ay ayetma
Ɣef win i tt-yerran deg idis
Tecfam ɣef mesyu d laɣa
Leflani d wakraren-is
Tecfam ɣef uRezqi Lbacir
Lbiru d ṣellaḥ-is
Winna yezgan gar-awen
Tidet ɣef yixef n yiles-is
Ma tecfam ay ayetma
Ɣef muḥand-nni aɣeddu
D lbaz-nni yezzan tasa
Cewqeɣ-t- id tasa-w tru
Lweḥc yelli-d tibbura
Igellil ur t-nettadu
Awal ɣef tezga tuzzma
(I)m(i) akken yettwallem am usaru
Ma tecfam ay ayetma
Xas akka ɛeddan leɛwam
Ma tecfam ay ayetma
Deg uzal (i)m(i) akken i d-yeɣli ṭṭlam
Cnut Muḥend uyeḥya
Fell-as wissen ma tecfam
Cfut kan ay ayetma
Cfut ah ya ddin qessam
