Milmi kan i d–yewweḍ s Amkan n wis s acu-t. Akken kan t-walaɣ, ɛeqleɣ-t. Mačči weḥd-s i yella. Yettmeslay akked yiwet n tmeṭṭut. Ur tt-ɛqileɣ ara : tezzi s weɛrur. Qerbeɣ : Azul a Remḍan.
Yerfed-d aqerru-s, yecmumeḥ-iyi-d. Tebren-d ɣur-i tmeṭṭut yellan yid-s. Ɛeqleɣ-tt : d nna Ḥnifa.
Tangalt : Ihuh d nna Ḥifa !
Ḥnifa : D nekka. Mmreḥba yis-m a yelli.
Tangalt : Azul a nna Ḥnifa. Amek akka telliḍ ?
Ḥnifa : D talwit, d talwit, d talwit…rnu-as timlilit d Remḍan mmi-nni ur d-sɛiɣ.
Tangalt : Azul a Remḍan.
Ramdane Iftini : Azul a Tangalt. Ferḥeɣ dayen kan imi kem-mmlaleɣ. Amek telliḍ. Aṭas ur neẓri ara belli yessemlaleɣ lmektub deg yiwen uɣmis. Dɣa anda d-yegra uɣmis-nni ?
Tangalt : D tidet. Deg uɣmis-nni i k-sneɣ, i k-ḥemleɣ. Imi tenniḍ, aɣmis-nni iba. Taɣamsa d awal kan. Ur d-yegra wacemma deg usirem-nni d-teslul tɣamsa n yiseggasen 90.
R.I : Ɣas teḥres teswiɛt ur qeṭṭat ara layas. Tamurt-a-nneɣ a vu de toutes les couleurs. Yal tikkelt ad d-tekker tsuta ara tt-yerren s abrid.
Tangalt : Ini-yi-d, i keč amek telliḍ ?
R.I : Talwit, talwit,talwit…rnu-as mmlaleɣ-d nna Ḥnifa, yemma-nni ur yerfiden ara di tɛebbuṭ-is. Dagi, mačči d « Ḥnifa, une vie brulée ». Dagi, ttfakant les histoires de vies brulées, Akken i fukent ɣef : Amar Mohand Amer, Mohamed Benchicou akked Aggoumi. Dagi tettidir « Ta page », tiftin d-sebbedeɣ di Lezzayer. Dagi, ulac « la haine et le sang ». Dagi…ifuk lḥif ɣef nna Ḥnifa.
Tangalt : Amrez-nnwen !
Ḥnifa : Aha kan am ass-a, ad tizdig tegnit fell-awen. Leqrar-is d abrid, neɣ ala ?
Tangalt : d wa id asirem-nneɣ a nna Ḥnifa. Suref-iyi nekk ad nejmaɣ neɣ ma ulac ad yerfu mon rédac en chef. Albaɛḍ n wussan ad d-uɣaleɣ.
Ḥnifa : Di lehna-m a yelli. Ɣurem ad tettuḍ siweḍ-as slam i Kamel Hamadi. Ini-asent i tullas-nneɣ ur berrunt ara i ṭbel deg waman, ad beddent, ad ɣrent, ad nnaɣent ɣef izerfan-nnsent. Neɣ ma ulac ad uɣalent ɣer deffir, ad idirent, akken ddrent tyayatin-nnsent.
R.I : Ar tayeḍ a Tangalt. Siweḍ slam i widen nḥmmel. Ur tettu ara Zira.
Yemlal-iten Tahar Ould Amar
