Nniɣ-as nahi asen aɣeɣ awal, kamim aql-aɣ akk deg yiwet n tejlibt.
Ma ikcem-aɣ-d wuccen, ya d nekk, ya d yiwen deg-sen ara yemeččen.
Ameksa ur yenḥarew ara di tqeḍɛit, nukni s yizamaren-agi, ad nemḥanni bwaygara-neɣ.
Aṭas aya segmi ɣ-ksan, nukni tant que yella leḥcic awi-d ukan. Xas ṭṭerḍiqent deg ubeṛdi ur nkennu.
Mais, Ṛebbi d Ṛebbi nukni nefka afus, imudd zznad i wemcum yerna nɛebbed-it.
Ḥlellin-d kra akken izamaren fell-i, nnan-d aql-ak a winnat teffɣeḍ i « tizzimrit », mačči’akka i-ilaq ad tiliḍ,
M’ur tesbaɛbuɛeḍ am nukni, cfu-k-id tcettleḍ-d deg uccanen!
Sya d asawen, yewwi-d ad nerr Tixellal i wesbaɛbaɛ-agi-nneɣ, ad nuɣal ɣer ṭṭariq lmus-telqim.
Enfin nnejmaɛen, yal tiɣilt tesmar-d aɛbaṛ-is. ( netta lbaṛud ikfa-yas )
Ameksa s uɛekkaz.
Uccen agemmaḍ ad yettxatal.
Gma-k yelles-ik.
Lexwan heggan-d izeḍwan.
Pisk di izimer ay telliḍ tkesseḍ kan, anef ad ḍebbren fell-ak.
Snulfan-d tiɣanimin, rran-aɣ-id ar tejlibt.
Kkreɣ-d yibwass nniɣ-asen : a tarwa, ur zmireɣ ara i usbaba-agi i d-qqarem, am win i wumi tbedd tiẓẓit di tgerjumt.
Kkampiɣ ɣef wawal-iw, kkseɣ asadel i yimi sbeɛbuɛeɣ am zik-nni, suffɣen-iyi di ttewfiq izamaren ipenpunen.
Wi llan d izimer am nekk, yeẓra d acu d-qqareɣ, ma ulac ṭumpi, asmi ara tenger tqeḍɛit, ad d-nlal s yiwen wudem, sufella d izmawen daxel d ulli.
Amer s nuɣeɣ awal, ad kseɣ abuneqqar gar izamaren n Ulad ǧellal d wid n la Ṛumani.
Ihi wissen izimer aksas ma ad yuɣal d izem yibwass ?
Yahia Sail
