Idir Amer : TIBIRQECT

Ad isres abeṛnus da
Ad t-isres ɣaf weẓru-ya
Ad yali
Ad yali arma d taqacuct
Tibirqect
Werǧin yuli f tbirqect

Tazemmurt yuli
Taslent yuli
Tabelluvt yuli
Tazanep yuli
Taneqwleţ yuli
Tubrezt yuli
Tazumbaţ yuli
Taxerrubt yuli
Tibirqect
Werǧin
Yuli
Izamaren ad ksen
Ad ksen iman-nsen
Tiɣeṭṭen ad ksent
Ad ksent iman-nsent
Γaf tbirqect ad yali
Ma d tiɣeṭṭen ma d ulli
W’ur nεus ɣaf yiman-is
Uccen isumm adan-is
Yedla f ubeṛnus yekkes-it
Γaf weẓru isers-it
Yekkes isebbaven yuli
Yuli aqwrab ɣaf tayeţ
Deg uqwrab aεwin tissit
Deg uqwrab tajewwaqt-is
Yuli armi d taqacuct
Yeqqim iqeεεed iman-is
Yessufɣ-ed tajewwaqt-is
Ifellaḥen ad d-slen
Imeksawen ad d-slen
Deg tuddar akw ad d-slen
W’ur nεus ɣaf yiman-is
Uccen ixdem ṛṛay-is
Iqqim iqeεεed iman-is
Ifka ṛṛay i tjewwaqt-is
Ad iwwet ad d-yemmir wul-is
Ad iwwet ad d-yirid wul-is
D aya i d-irbeḥ umeksa
InƐel bu n tudert am ta
Yeqqim iqeεεed iman-is
Yefka ṛṛay i tjewwaqt-is
Ad iwwet arma yeεya
Ad iṣubb d abrid axxam
Wicqa ma yeɣli-d ṭṭlam
Ad iwwet arma yeεya
InƐel bu n tudert am ta
A kem-wwteɣ s rrkel ass-a
Ass-a s rrkel a kem-wwteɣ
Mi qqdeɣ ul-iw ad ṣubbeɣ
Ass-a ul-iw ad t-qqdeɣ
Inεel bu n win ţ-iḥezzqen
Inεel bu n win iḥemqen
Yeqqim iqeεεed iman-is
Yefka ṛṛay i tjewwaqt-is
Ad iwwet arma yeεya
Ad iṣubb d abrid axxam
Wicqa ma yeɣli-d ṭṭlam