Ddurt-a yezrin, deg umakan n wis-d acu-t, mmlaleɣ Mohamed Haroun. Udem-is inur dayen kan. Tuɣ-it akked yiwet n temɣart, ula d nettat udem-is yettnur. Qerbeɣ ɣur-sen.
– Azul Masin !
– Azul, d kem aya a Tangalt ! Enfin mmlaleɣ-kem. (Iwehha-yi-d s ufus-is ar tamɣart yellan yid-s) Tesneḍ-tt temɣart-agi n lbaraka?
– Ala !
– D yemma taɛzizt, yemma-nni d-yefɣen seg Uqbu i tekkelt tamezwarut, akken ad d-truḥ ɣur-i ɣer Lambiz, di Batent. Dɣa tura kan i iruḥ Lwennas.
– Temlal ihi tasa d wayen turew !
– Deg umkan-agi n wis d acu-t, ḥala tasa d wayen turew i yettemlilin. Dɣa melmi kan i d-yelḥeq ḥaǧ Ḥmiṭuc.
– D argaz lɛali dda Ḥmituc. Yecmet Uqbu imi ulac-it.
– Tiens, amek dɣa i yella Uqbu ?
– Am wakken tella tmurt, liḥala ur tesefraḥ ara…
– Ẓriɣ, nwala kulec, nesla i kulec seg umkan-agi n wis d acu-t.
– D acu i twalam, d acu i teslam ?
– Nettwal-ikun « tekkawem am uceṭiḍ », terudublim, teglam s tmaziɣt-nni. Tuɣalem d ibrenyas akked d tiqenyar n Leqbyel i d-sekfalen yal aseggas di « cehr tura d-yewwi youm lɛilm di teqsiṭ.
– D acu i teslam ?
– Nsel ḥala tasusmi. Tesusmem, ṣumun bukmun. Ur turim ula d tabrat i Lberzidan. Ikabaren-nni nɣil ad sizdgen taswiɛt, rnan-as rekku.
– Ihuh a Masin, anect-a akka i nettwaɣ ?
– U mazal, ma yella ur d-tukim ara si meɣruḍ i kun-yesɣrirḍen. Ma yella, ur temyeɛqalem ara d atmaten akken d as-yenna Lwennas « des montagnes du Djurdjura jusqu’au fin fond du désert », ma yella ur tebram ara i le taddartisme…
– Mais, kamim a Masin, tamaziɣt tella di tesdawit, ti lakulat, di tilibizyu….
– Et alors ? i wacu-tt tmaziɣt-agi ara ɣ-yeren ɣer leqfus, ara yemḥun tilelliyin, ara.., ara…, ara…
Tahar Ould Amar
