Tikkwal, yettarra-yi wul ɣer wul n wallaɣ. Ur d uguren n tikli-w i d iɣeblan ma mačči d isteqsiyen-iw i d iyi-yecqan. Acḥal d amaḍal inegren nessenger. Ula d agama, iɣunza-yaɣ: ay aɣeṣiw ay imɣi, ili-kun d aman, ad nili d awal. Ddmen anzel i talsa, yuɣal-asen d azaglu…
Un monde impérieux et autocratique ne put qu’être bien frêle face au droit à la vie et à la liberté de mourir. Tout un monde pingre et malingre nous a été imposé : un monde immonde par son exogénéité altérante, au mépris de toutes les convenances sociales endogènes. Et tout empire du mal s’en trouverait réduit et fustigé par sa propre réprimande. Du moins, la production littéraire a-t-elle su reconnaître l’univers de bienfaisance de sa philosophie poétique…
Ay ixf i teğğa lmut-is,
Ziɣ d tudert-is
Ffɣent akk timucuha-s
D zzman kan i d aɣ-yeğğan
Anda-ten yikufan
Ay ilni tettu trigli!
Tamurt i ɣ-d-ildin allen
D allaɣ ireẓnen
La tessufuɣ dewεessu
Γer ɣur-s i ncudd tili
Tili n tlelli
A leεqel yezwar wawal!
Mačči d tilawt i d tidet…
Deg unezgum ntett
Ayen i nɣil d ṣṣwab yeffeɣ-aɣ
Uɣal-d a lbaz asraysi
Γiwel-d i trusi
Yes-k i tecbeḥ tegnewt
Ay asmi k-yewwi yinig
Tessentaḍ igig
Yezga d lexyal d inigi
Ay axnaq yessawalen
D anza ay nessen
Tagut i k-yeččan, d tafat
Nemmut nerza-d ad nwali
Ziɣ kra ur yelli…
Wiss ma d lmut i d tudert?
Yefsex weglim n tfekka
Tazmert -is tulwa
Layas yuɣal d asirem
Anda-ten wid ur nessin?
Wiss ma d ad d-zzin
Neɣ ahat am wid-nni…
Ay itri n lewhi n tidmi!
D awrir n tigzi;
Iles d awal d tignawin
Ay akal yeffeɣ wakud,
Ula ara d-cudd…
Taddart-nneɣ d amaḍal
Ay ul yeddan d wallaɣ
Yes-k ara nessaɣ
Tiftilin teğğa tafat
Skud nesburr asirem,
Ziɣ yeččuṛ yilem…
Ulac tagelda ur neɣli.
Moh Laid Deflaoui
