Akka! Mi ara nettmeslay nettaru s yiles amedyazan aseklan, ad d-nessiwel s tira ayen ara isell umeẓẓuγ s yimru. Yal yiwen amek i yesmuzgut: tikkwal aγbel d akeččum-is (incipit) γef wayen yuγen talalit n tegnawt n tirawt-is (écrit); maca iεewwiqen-is imeqqranen, d tarusi (excipit) ur nezmir i tuffγa n tegrayt-is (conclusion) yerran irizen (obstacles) i tmussniwin n tussniwin-a. Taγersawit (faune) neγ timγanit (flore) zgant yid-i d amaḍal-iwamedyazan aseklan: ur smiṛğiḥent tgarfiwin, ur sseglafen yilfan…
J’essaierai juste de donner vie à mes syntagmes dans chaque vers de mon poème. De surcroît, la sémiologie et la sémantique ne me laisseront aucun répit pour faire distiller et séparer subséquemment tous les produits linguistiques de mon expérience poétique. Ma langue de cœur, ma langue maternelle, ma langue ancestrale ne pourrait aucunement être une métalangue hypothétique : en dépit des temps moroses de nos verbes livides, il avait fallu autrefois que les équations lexicales berbères eussent eu le pouvoir du devoir sur l’écriture de notre vertueuse langue qui œuvre encore dans le sillage sociolinguistique de notre pauvre humanité…
Yuγal-d ṛṛuḥ i wawal
Di tlemmast n lemwaji
Yewwi-d ma nṛuḥ ad d-nuγal
Гas asuget d leḥmali
Tewweḍ-d tiremt ad nuγal
Гer wanda neğğa tili
Yufa wefrux tignawt-is
Yettfaṛas yeḥbes wakud
D ajewwani neγ d agris
Ur yecliε yenfa wafud…
Skud bab, awal d mmi-s
D ameqyas yessen lejdud
D acu-tt talsa s yir cci?
Ma dγa nekren-tt yimdanen
Mi d-yekker yiwen a d-yini
La neqqar ma yettwassen!
Yuγ-d taṛkent yiγisi
Yettcebbiḥ deg yebhimen
Yendeqqac yeγli yelḥa
Usekkil n temlilit
Tikli-s tuγal d amedya
Гas d amdeṛkel d alleγwi
Terza-d tezmert n tasa
Annar-is d afenṭazi
Nefra-tt timdeffirt ulac
Tira tessen imawlan-is
Iderma tuddar leεṛac
Amγar yufrar wawal-is
Mi dγa nessefrer tirac;
D axnaq d adrar neγ d idis!
Yuğew-aγ-d lḥif tamuγli
Yezzuzer-itt i yir nnif
Lemmer kan d lḥif-nni!
N tiγri, adrar d asif
Yettγiḍ lḥal nettwali
Nessujay la neshetrif…
Nettcenqir nelluẓ neṛwa
Ay nḥemmel d tiqefftin
Гas akken tuget lγella
Nezdeγ temlel d timedlin
Mi nṛuḥ ad nsiwel i tsekla
Seglalen-aγ s tmeγriwin
Ur nettu tigersiwin
D uzaglu teddem tyuga
D ccfeṛ d idis d tiγaltin
Iten-ittṛajun d takerza
D afellaḥ…tissas yezrin
Tilisa-ines d tiruggza
Yemmut iṛuḥ d ilelli
Ur yuklal wakal yeqqur
Anda-tt tmazirt-nni?
Ay agrur ay azemmur!
Kullec yuγal d azuki
Ur yufi bab-is, d lbuṛ
Skud awal d Amawal
Ad d-yekk nnig usirem
Yes-s kan ara nettemsawal
As-nerr takmamt i ulemmem
Yelha ma nesduqqes azal
I yiles werğin yedkem
Ad d-yekker ubeḥri n talwit
Ad d-yeglu s tidet n ḥellu
Isegmi n tira nleqqem-it;
Yecbeḥ yifer-is igemmu
Jgugglet deg teqbaylit,
A wid yenγan asefru!
Tatut yeddem-itt wesmekti
Akken ibγu semmeḍ useffud
D amezruy war nnhati
Yefri yefsi-d ad t-ncudd
Ahya lemmer nettwali!
Yeṭṭef ugemmay s waddud…
Moh Laid Deflaoui
