Am wid yettnujen* ur walan 
Nettemɛezzi s wulawen 
Nebbeḍ timura yejlan*
Iḍaṛṛen ur tent ɛfisen
Yuɣal umdan d wemdan 
Ṛuḥ tṛuḥeḍ ad mlilen
* anuju- interpeller
* yejla-yebɛed
Ayen terriḍ s akufi, ad tafeḍ i tegnitt n laẓ. Imi tessaweḍ tussna s anda ur d ttuɣal, ilaq as d naf amek ara neddu deg ijufaṛ-is; ddu neɣ bru-d i nekkwa-k. Ma teddiḍ sani ak tawi, ma teqqimeḍ ǧǧan-k wiyaḍ.
Waqil ddunit temxell
Simal tetthaj tettnerni
Tessaweḍ s ajmam tennfel
Tɛedda akkin i tmussni
Tekkes-as ṣwab i laɛqel
Dac’akka ara-ɣ d ttheggi
Kra b wayen nebɣa a tenẓer
Tettawit-id nettwali-t
I win i ran ad iɣeṛ
Tekkes-as ugur tesseɣr-it
Ula d ayen tugi temɣer
Tettarrat-id d lɛali-t
Tezmer ak terr d ilemẓi
Xas tɛeddaḍ i tmanyin
Ak-id err deffir lemri
Ad targuḍ tileqqaqin
Ayen akk ur nebɣi an wali
Tettseggim-as timedlin
M’akka Kerfen wallaɣen
Ɣur-s nettnadi tafat
Telha i wid is yessnen
Amek i la teddun lewqat
Ar tura ur nefhim ayen
D acu bɣan wid i tt yeṭṭfen
Neɣ d acu tebɣa nettat.
Yeḥya Sail
Post Views: 30