Di taddart yekker uhetwir. Sadiya n L’euro, Lbacir akked Belqa uɣalen-d, illico presto, seg idurar n Wawras anda d-ẓran Dihiya. Mi d-kecmen taddart, rran tamawt i tḥanut n Lḥaǧ Crif, alias Tayemmum, temdel. Werǧin s-d-cfin i tḥanut temdel. “Ula d asmi temmut yemma-s, teldi tḥanut. Wis ɛni acu yeḍran ! Ɛni yewweḍ leɛfu Rebbi Tayemmum!”, i icuk Lbacir. Dɣa ɣawlen tikli ɣer tlemmast n taddart.
Af-n Tayemmum yettmeslay deg tejmaɛt : “ ay atmaten, covid-agi d lekdeb, d tikerkas ! Snulfant-d ad rẓen lḥirak-nneɣ. Yaw faqu ! Rnu ɣas yella s tidet, ur t-nettagad ara : yella Rebbi ! Ur nekennu ara : ad nelḥu, ad nelḥu alamma yeɣli udabu”. Ilmeẓyen n taddart s-isellen wehmen kan. Amesmar n Tayemmum ara yemten ɣef duru yuɣal d agrawliw !
“Awah, ad ṭafeḍ yesebleɛ aḥeckul neɣ yella wi s-iseččen lehyuf i Tayemmum! Neɣ ahat mačči d netta d-yettmeslayen: d albaɛḍ n lejnun igrawliwen i t-ikecmen !” yenna Belqa i nSadiya n L’euro s unecraḥ.
Akken yerfed aqerru-s Tayemmum, iwala Sadiya n L’euro. Dɣa yessusem, yefka amikru i win ibedden tama-s.
Tqerreb ɣur-s Sadiya n L’euro, tenna-yas : “ d keč aya a lḥag Crif ? Acḥal d aseggas segmi k-sneɣ, almi d ass-a k-walaɣ di tejmaɛt n Taddart…. Acu akka k-yeḍran ?”
Iqerra akk zzin ɣer Tayemmum, ma yella kra ara d-yini. Ulac, yessusem kan. Yenṭeq ɣur-s Lbacir : “awah yella kra tefreḍ fell-aneɣ ! Ipi, anwa k-yennan ad lḥun at taddart, di tegnit-a. Anda k-tuɣ deg wagguren imezwura n tnekkra Tayemmum yessusem kan. Anef tura, itefsut n yimaziɣen akked tefsut taberkant. Ɛni tebɣiḍ ad tesenfufdeḍ ugar covid? Tebɣiḍ ad aɣ-tenɣeḍ en gros?”
Tayemmum dima yessusem. Iqerreb-d ɣur-s Diligi. Netta isem-is n tidet Hemmu. Ulac akabar deg ur yettikki ara lukan d yiwen wass. Yesɛedda ugar n 20 n yiseggasen di tesdawit. Mi d as-nnan acu teqqareḍ, yeqqar : “nek d ddiligi”. Yeffeɣ-d seg tesdawit s diplum n ddiligi. Alors iqerreb ɣer Tayemmum. Mi yewweḍ ɣur-s yeslalew upurtabl n lhaǧ Crif. Yesferfec akken ad t-yesens, yeɣli-yas. Irfed-t Ddiligi :
– Allo ?
-Salamu ɛalyka wa raḥmatu lah ya haǧ Crif !
-Salam, ɛeslam-ak
-Kyfa ḥal ixwani leqbayel(amek llan watmaten-nneɣ leqbayel) ?
-Euh…
-Waqila ma ɛreft nic (waqila ur d iyi-teɛqileḍ ara). Ana Zitout min London.
-Naɛem, naɛem…ɛariftek tura!
– Ixbirni kayfa kanet lmasira (ini-yi-d amek d-tella tikli)?
– sawfa aqulu laka; bi cerṭ taǧib ɛen suali (ad ak-d-iniɣ, mara d-terreḍ ɣef usteqsi-inu)
– Naɛem ya axi, ma huwa sualek (yerbeḥ, acu-t westeqsi-inek)?
– Ma ismu umek bi rumiya (isem-si yemma-k s trumit?)?
