Σeddan iḥemmalen, taddart yuɣal-itt-d rruḥ. Uf, ur d-tegli ara lehwa s lexsaṛa. Hatan Yeṭṭenṭen-d daɣen yiṭij-nni yesfunzuren aɣyul, ad as-tiniḍ « ɛamayen ur d-gi tiqit ». Aṭas n ttiɛadat i tezgel taddart. Gar-asen « tameɣra n zartist ». Lḥusin Zaktur, yennuɣna, ixaq mačči d kra : « d lɛib, ulac win i d aɣ-d-yemmektan. Pourtant, lukan mačči d les zartist, ttili taddart yiwwi-tt uḥemmal acḥal-aya ».
Ur yeqqim ara kan deg wawal Lḥusin Zaktur : iheyya-d pétition n ucetki d lɣiḍ :
« Nukni, les zartist n taddart nerfa mačči d kra. Amek ya ɛajaba n Rebbi ur d aɣ-terram ara tajmilt ? ur tessetḥam, ur tenneḥcamem. Lukan mačči d nukni, yekkuli yidles, acḥal aya.
Ḥala Yennayer, Tafsut n yimaziɣen akked d temceret i d awen-yeččuren tiṭ. Ḥun a Rebbi yella J.T, yerra-yaɣ tajmilt par procuration di tzeqqa Ɛli Maɛaci. Ihi, nukni, les zartist, neddisidi ad nebuykuṭi timeɣriwin n taddart, c’est pas la peine ad aɣ-d-necdem, negzem-tt di ṛṛay : ur nettekki ara, ḥala ma tesṭarfem yis-neɣ.
Taḥya Lǧazayer lǧadida !
Lxulud li cuhada-ina al-abrar !
Les zartist : Lḥusin Zaktur, Amedyaz Aqbur, Akli Aḍebbal, Kasi Yawm Lɛilm, Cna Zeddigen, Amezgun Awaṭani, Nnuba n Lxalat, Tarbaɛt Lǧil lǧadid, Min Aǧli-ka ya waṭani, Yenna-yas Cix… »
Yezzi-d i taddart Lḥusin Zaktur s yicer n lkaɣeḍ xemsa i t-yestenyan : Lḥaǧ Tayemmum, tameṭṭut-is, tuslit-is akked sin warraw-is. Rnu, d Tayemmum i yestenyan deg umkan n twacult-is.
Deg lawan-nni, Sadiya n L’euro, Lbacir akked Belqa tuɣ-iten ččalin di tmacint n zman. Ruḥen ad zulen ɣef widen akked tiden i yesnernan di ccan n yidles: Djamal Allam, Alloula, Azeddine Meddour, Sonia, Lwennas, Karim Tizwar, Bouguermouh Yidir, Sjamal Amtani, Nour Ould Amar, Azeddine Medjoubi, Samir Arkam, Smail Oulebsir, Si Mḥend Umḥend, Mhenni Amroun, Taos d Mouhoub Amrouche, Mhenna Boudinar, Mheni Khalifi d weltma-s Kaysa, …
Tahar Ould Amar
