Ddurt-a, deg umkan-nni n wis d acu-t, mmlaleɣ akked Hamouma Hamid. Argaz-a d yiwen seg widen yesjujgen tafsut n 80. Ur yettwassen ara akken ttwasnen widen yessumlen ddunit s imiruten akked lkamirat, ur yestuqut ara awal, ur d ak-yeqqar ara : aḥeq nekk. Yelha-d d leqdic i yesnernan di tmaziɣt , leqdic d-ufant tsuta n yiseggasen 90 d afella. Hamouma Hamid yunag ɣer umkan-nni n wis d acu-t di 2019. Deg umkan-nni n wis d acu-t, tuɣ-it yeyttmeslay akked uselmad-is Lionel Galand. Qrbeɣ ɣur-s.
Tangalt : Azul mass Hamouma
Hamouma Hamid : (yerfed aqerru-is, imuqel-iyi-d, yecmumeḥ) azul.
Tangalt : Ferḥeɣ dayen kan imi k-mmlaleɣ.
Hamouma Hamid : Ula d nekk ferḥeɣ yis-m a Tangalt.
Tangalt : Ini-yi-d a mass Hamouma argaz-a ɣer tama-k mačči d Lionel Galand
Hamouma Hamid : (yecmumeḥ) d netta, d aselmad-iw.
Lionel Galand : Bonjour. T’es une star dans le coin Tangalt.
Tangalt : Pas autant que vous monsieur Galand. C’est un honneur pour moi de vous croiser vous et monsieur Hamouma. Dites monsieur Galand, vous avez encadré monsieur Hamouma. Vous le connaissez. Vous en pensez quoi ?
Lionel Galand : L’un de mes étudiants et amis dont je suis fier. Hamid ne parle pas trop, il est très discret. Il n’est pas le genre que les médias grisent.
Hamid Hamouma : Ihuh a Lionel, aqli uɣaleɣ d azeggaɣ.
Tangalt : Wehmeɣ amek yiwen am keč, win d-isbedden adlisufus Grammaire berbère kabyle, di 1987, uqbel ad yili ad d-yawi umeddaḥ « tamaziɣt di lakul », kečč d-yellan d lmendad i tidukkla ACB, ur tettwasneḍ ara am akken ttwasnen…
Hamid Hamouma : (Yecmumeḥ, yerfed afus-is am win ara d-yinin : ur ttkemmil ara) lawan-nni ulac Internet, ulac daɣen lebɣi yugaren win n usebded n tmaziɣt.
Tangalt : Γas akken d docteur en linguistique berbère, ur teselmeded ara. d lewhayem.
Hamouma Hamid : Mačči d lewhayem. Di tallit-nni, tamazight di tmurt n Fransa ur tesɛa ara azal tesɛa tura. Ulad tura txus. Xedmeɣ ayen zemreɣ akken ad tenerni tmaziɣt, berra n tesdawiyin.
Tangalt : I weɣrum amek ?
Hamouma Hamid :I win yerwan, aɣrum mačči d aɣbel. Tezriḍ a Tangalt xedmeɣ acifuṛ utaksi.
