Sadiya n L’euro, Lbacir akked Belqa zzin i uberrad n latay sellen i yisallen di TV4. Awal ḥala ɣef coronavirus. D yiwen n duktur i d-yettmeslayen, yaqqar : “lḥemdu lilah tamurt-nneɣ tezmer i covid-19. Nif Fransa d Marican…” Tekker Sadiya n l’euro tessens tilibizyu s zḥel, tenna : “ad yekcef appi nqel-ik, d Marikan bitt i tifeḍ ! D axenfuc n yilef ma tuɣaleḍ ad tiɣeḍ a TV4 !”.
Tezzi ɣer Belqa akked Lbacir, tenna-asen : “ ulac lettkal fell-asen. D nukni kan ara iḥarben ɣef taddart-nneɣ. Ad nkemmel kan deg webrid d-newwi. Ad yehṛez appi ilmeẓyen d telmeẓyin-nneɣ. D acu tennam lukan ad nerzu ɣer Lezzayer n listiqlal?”
Lezzayer, Place des Martyrs, 05 Yulyu 1962. Ulac anida ara tesserseḍ aḍar-ik ay amdan. Agdud, qeccuc, meccuc, di saḥet ccuhada. «Taḥya Ljazayer ! Taḥya Ljazayer… ! ».
D luluf n tlawin s uḥayek mremma yekkerker di lqaɛa slewliwent, ceṭḥent sans retenue. Imir-nni, ur yegzizti ara ujelbab n Abassi Madani akked nnisf saq n Ali Belhadj.
« Ya ddin uqabac ! », i as-yenna Lbacir. Bezgent wallen-is d imeṭṭawen. Belqa kifkif, ula d netta yettmiṭṭwi ur d-yewwi s lexbar. Sadiya n L’euro teggugem kan. Teqqim ɣef yiwet n tseddart, tettmuqul, tessawaḍ rreḥma i cuhada.
Niqal ad iruḥen ad ẓren Ben Bella, GPRA, le FFS (imir-nni en gestation) akked yirgazen-nni ar tenfu Lezzayer n Boumèdienne. Maɛna mmsemyafen ad kkin, en direct et en vrai, di la plus belle fête de l’histoire n Lezzayer. Izzayriyen akked tezzayriyin tesenḥaf Fafa, ceṭḥen, slewliwen, ttrun, ttaḍsan…
Wiyaḍ, les virus-nni, covid-1962, imjuhad n yimir-nni kan, lhand d ugabeṛ n lfirmat d lbillat n kulun. Takemmuct n “les redresseurs’’ tettheyyi déjà les coups d’états militaires, scientifique et tactiques.
Inessef yiḍ. Truḥ Sadiya n L’euro akked yimeddukal-is ad ẓren Ben Bella. Afen-t ihedder di tilifun netta d Djamal Abd Nacer : « naɛem sidi, aǧel, kama tara ya faxamatu el rais, wa huwa kadalik… »
Akken kan yessers tilifun, iluɛa-t Lbacir :
– Azul mass Ben Bella !
– Ma had-ihi lluɣa ? Men anta ? Ayna anta ?
– Ana Lbacir ǧit min 2020, min Taddart, bi mentiqet el qabayel.
– Naḥnu ɛarab, naḥnu ɛarab, naḥnu ɛareb… ! Ayna anta ?
– Impossible tcufni, ya sid raïs. Disons, ana ṣṣut n taɛ lezzayer li degdegtuha…
Yerfed Ben bella tilifun : « allo ! jibuli taleb. Lbiru rahu meskun b ǧen qbayli ». Yeɣra ayatu lkursi, yuɣal ɣer tilifun-nni : “allo ! Passez-moi Bousouf. Si Boussouf, dites-moi, où en êtes-vous avec l’opération zéro kabyle ? D’accord, il faut faire vite… passez le bonjour à Si Boumedienne »
Yeṭṭtef Lbacir aqerru-s, ixemmem-as un deuxième coup, yaf axir lukan ad yernu ad yinig ɣer deffir, anda llan yergaz-nni d tlawin-nni n yiseɣ: Hassiba, Ben Boulaid, Abbane, Boudiaf, Ferhat abbas, Didouche…
– A nna Sadiya, ad ninig axir ar deffir. Acu tenniḍ ?
– Ad nuɣal qbel ɣer Taddart, sakin ad nruḥ ad nemlil irgazen tt-id-iḥellan, ad asen-ini acu i la ten-yettrajun. Ahat….
Yettkemmil…
Tahar Ould Amar
