Igduden n ddunit meṛṛa, mara d-yaweḍ yiḍ aneggaru n dujember, umnen dakken azekka-nni, amenzu n yennayer ad yif aseggas yezrin. Ma da ɣrneɣ, win testeqsaḍ ad ak-yin : ttif iḍelli, ass-a. Aya, mačči d awal kan : d tidet i nettidir. Ɣas akken texnez, d « lwaǧeb asirem ad yili ». Aseggas amerbuḥ i wid akked tid mazal bedden.
A
Adlis : niqal Tafsut n y imaziɣen n 80 akked tnekkra n tuber 88, ldint cwiṭ n tewwura yemmalen tafat. Ɣas ulamma, deg iseggasen iɛeddan, yella-d cwiṭ n lḥers ɣef kra n yedlisen, werǧin d-yelli am akken d as-teḍra deg useggas 2024. « Zemmem, qemmem ay adlis ! » n useggas yezrin, leɛmeṛ tedder-it tmurt ula deg iseggasen n ukabar awḥid akked win « S.M »
Aksil : nebcen warrac n tɣiwant n Buḥmama, di temnaṭ n Xencla, deg umezruy, sekfelen-d Aksil, winna akken d as-yennan i Ɛuqab « hatah deg ! ». Dɣa, reqmen-as asebded n yiseɣ. Cɣel-a ur yeɛǧub ara ixulaf n Ɛuqba ibnu Nafeɛ. Didin, yettwakkes « yiseɣ ». Ur numin ara mazal-iten les Omeyyades di Tmurt-a. Ziɣ tḍul tefsut-ik ay aḥbib !
Amaziɣ : cut, susem lemmer ad k-d-slen !
Annay amaziɣ : effer-it, ma ulac ad d-uriḍ di Koléa
Arraz Assia Djebar : ahya tawaɣit !
Arezki Ait Larbi : argaz-a d imḍebber n tezrigin Koukou. Isem kan n tkubbabint-is d aɣbel. Yerna yessufuɣ-d idlisen ur yeddin ara akked tedyulugist n ukustim demi-manche akked tin n nnisf saq. Ddwa-s ad yettwaɛzel. Kksen-t si temliliyin n SILAT akked rreḥbat n yedlisen d-sebdaden tdukliwin. Ma teɣunzaḍ Koukou, atan ad ak-fken tesriḥ i rreḥbat n yidlisen. Ma ur tuɣeḍ ara awal, ruḥ, ad tekseḍ tizit. Dɣa d tizit-nni i truḥ ad kes Tmesrit n Tdlis Amaziɣ n at Wasif ur d-nelli ara deg useggas-a 2024.
Arezki Larbi : d anaẓur i tent-istukklen meṛṛa : taklut, ssinima, tasekla, amezgun. Yewweḍ leɛfu Rebbi di 20 yennayer 2024. Iruḥ di tsusmi. Tuɣal-as « cwiṭ n tejmilt », di Tubiret. Argaz-a d anaẓur n twacult i iteddun ar sdat, ɣef aya « suluṭaṭ lmaḥelliya », ur d asen-duqiɛ ara. Ur ẓrin ara msakit belli tijmilin i imeɛnen, i yesɛan sser, d tid yettara wegdud.
Abbasi Hassan : ur yestuqqut ara awal, ur yeḥmil ara lkamirat akked tejmilin. « Zwaǧ yuɣal d tjara » d netta. Yewweḍ leɛfu Rebbi di yunyu 2024. « Ah ya ddunit » d netta daɣen. Yeɛreḍ, di taɣect-a, ad yegzu lbaḍna n ddunit. Wis ma yessaweḍ ad tt-yefhem, uqbel ad yunig s anda ara ninig meṛṛa.
B
Boualem Sensal: yenna d akken Lmerruk yettalas deg wakal n Lezzayer n wass-a. D ashetref, d rregmat i yergem wudak-nni yefkan tirwiḥin-nnsen ɣef Lezzayer d lisa-s n wass-a. Imekken iman-is s axjiḍ n yizerman. Cleqfen-t di l’aéroport n Lezzayer n wass-a, nehren-t ɣer Qliɛa. Yecceḍ deg wayen i d-yenna, maɛna twacḍa tameqrant imi t-rran ar lḥebs.
Berbère : une rumeur. Passons aussi !
Bibliothèque : d acu-t wa ? Passons !
Cnennu : ara ass-a mazal-it yessedhuy arrac iwarrac iqerra n yemcac. Rnu-yaɣ-d a Rchid Tiɣilt, tesseḥmaleḍ dagi-nneɣ
Cnna : wis sanda i imal ?
D
Daniel Abaach Christiensen : yura « Pensionnaire à l’internat des pères blancs de Beni yenni » Deg ullis-a, yell-ad wawal ɣef temẓi-d deg uɣerbaz n yimraben irumyen n At Yani deg iseggasen 70. Yella-d daɣen wawal ɣef leqdic n yimrabḍen irumye, diLezzayer, ladɣa di tmurt n Leqbayel. Almi daseggas 2020 id tella « tnagit-tajmilt » i les Pères blancs d les sœurs blanches.
Daoud Kamel : yewwi arraz Goncourt. I tikkelt tamezwarur ara d-iṣaḥ warraz-a i uzzayri. Iṣḥa-d daɣen i Albert Camus asmi it-tuɣ d azzayri. Aṭas seg « les intellectuels » izzayriyen ur ten-yeɛǧib ara lḥal. Yal wa d acu argument d-yefka, ma d l’argument aseklan ulac-it.
Koléa : d axxam n yidles i iḥmmel dayen kan udabu.
Koukou : wali(m)t Ait Larbi Arezki
M
Matoub : mazal ṣṣut-is yettbeɛziq
N
Nait Chabane Takfarinas : cwiṭ n luksijan aseklan di tilibizyu.
T
Timesrit n udlis amaziɣ n at wasif : tugi ad as-tserreḥ i ṭbel deg waman, tuki ad tefk afus, ad tezzi s waɛru i tlelli. Daɣ netta, ur d-telli ara di 2024.
(…yettkemmil)
Tahar Ould Amar
